| ► | فبراير 2012 | ◄ | ||||
| سبت | أحد | إثنين | ثلاثاء | أربعاء | خميس | جمعة |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | ||
من فلسطين لأبناءها
يا ولادى يا احبابى
قرحتوا الأعادى
دماكم الغاليه
سالت على الوادى
وما بتفرق
فتحاوى ولا حماساوى
دمكم واحد
صونوه
ولا تهدروه
و تنصروا اللى باعوه
يا سلام على الناس
اللى ما بتعرفش
و ترغى و تتكلم
فى اللى ما بيفيدش
عاملين نفسهم فاهمين
و هم بالحقايق
مش دريانين
بيتفزلكوا
و يتفلسفوا
و كأنهم
فى الحياه
متودكين
وببطن الأمور
عارفين
عينى عليهم
ده الشر ماليهم
لو يعرفوا
كلامهم
حيوديهم لفين
سكاتهم احسن
و الطيب؟
سكته ما توهش
لو يتقوا اللى خالقهم؟
يفتح لهم ابواب
محبه و خير
ما تتقفلش
يا ويلك يا نفس
ايوه صحيح
ايه معنى جميله
و ببوز؟
تصحى الصبح
عفاريت الدنيا راكباها
و تصرخ
و تخلى نهارنا كله يبوظ
عالصبح
عاقده الحاجبين
لا صباح ولا مسا
ولا كلمه كويسه
و باللوم
تسوينا عالجنبين
انا وولادها متحملين
حسرتها على جمالها
اللى راح من تعب السنين
هو فين الجمال ده يا ستى
ده الرضا و الصبر
لا يا دكتوره مالكيش حق
سيبى البيه
يقزقز لب؟
هو يهمه
دم اتلوث؟
ولا عباره
من اهمالهم
تغرق؟
ده الباشا
ما بيحمل هم
لو اتعور من دبوس
حتجيله طياره
مخصوص
فيها دم
شهد مكرر
ويسيبنا
احنا
فى المتلوث
نغرق و نلوص
ولا لو
فى الترعه
المايه عليت
لغاية ركبه؟؟
حتلاقى
مليون غواص
يلحقوا
فى
الباشا
المحتاس
سيبى البيه با دكتوره
ده همه
مكتوب عالأوره
و قالت له قارئة الفنجان
طريقك يا
اوعاك تندم
اوعاك تندم
على ايام
سهرت فيها
تحرس الخلان
و عيونك
من الخوف عليهم
لم تنام
ولو
اتنكروا؟
ولقلبك؟
ما قدروا؟
اياك والملام
ده خيرك عملته
و ثوابك
اكوام
عند اللى ما بيغفل
ولا بينام
و اياك تقول
بادى و ما باخد
ده اللى حتاخده
فى دنيتك
ما يجيش قيراط
لما الملايكه
تكتب لك
ورب العباد
ياخد من ذنبك
يزود الحسنات
و تعلى مرا
أه يا امى وحشتينى
وحشنى لما تضمينى
وبايدك ساعة
الحزن؟ تهدينى
وبوستك لى فى جبينى؟
باحس بيها
رغم انك لوحدى
سيبتينى
آه يا امى وحشتينى
ساعات اغمى عنيى
و الومك
ليه تركتينى؟
و تنزل دموع الأسى
على دنيا ضاع
فيها الحنان
و الدفا
يا امى ك
دستور الدساتير
ياكل الصغير
و الكبير
ماحد له كرامه
الا الريس القدير
يؤمر و ينهى
و عامل لى امير
و البراءه
بتخر منه
و هو بيقلب المعايير
عشان ما الكل ساكت له؟
حيورث البلد
لأبنه الكبير
زى ما الأسد
غير الدستور
و علا شبله فريق
و هو لسه كان
برتبة غفير
ماهو ده زمن
العجايب
و الكل ساكت
وراضى بالتغيير
يا شعب قوم
ياشعب جاهد
يا شعب قاطع
الأستفتا و التغيير
يا اما
تقول لآ
للظلم
اوعاك تقول ايوه
ده شرك
حيوقعوك فيه
الملاعين
تصحى تلاقى نفسك
محبوس
ولا حد يعرف
طريقك فين
ياخ
ده برضا ربه
تلقاه
بالحب
دايما طارح
ينسى آسيه
و ينسى
وآآآه من دم الضمير لما يتسمم
بيقتل البراءه و الحياه
ولا تقدر تتكلم
بس تقول لمين؟
و الجرح خلاص علم
وزى ما قلت لا ينفع طبيب ولا دوا
صحوا الضماير يا خلق
ده الذبيح سلم
و مش قادر على الكل و بينهم بيتألم
لا قادر يقول آه و كاتم صرخته
لا العيش و الملح حفظوه
ولا بيتى اللى فتحته لخلانى
ده قلبى اللى حفظهم طعنوه
و جناحى اللى حماهم قطعوه
دبحونى وباعونى
و تخيل؟
فى
الآخر؟
انا الجانى
أيام بنعيشها فى اوهام
لا خير ولا حب ولا احلام
ما بقاش غير ده يجيبلك كام؟
بيع
و ان كنت حتكسب مصلحتك؟
و تبرأ نفسك؟
بيعنى و سيبك من كل كلام
لا
لا عشره ولا ذكرى
ما خلاص
ده كلام بقى فى الأحلام
من السهل نصدق اوهام
و ندور على شر نروج له
و نجيب السكينه و ندبح
و بننسى حلاوة الأيام
و بنرجع لحظة ما حانندم
نبكى
و نقول
يا ريت اللى جرى ما كان
لكن
بعد ايه ؟
يا خساره
بعد ما بيفوت الآوان
لأن السكينه ذبحت و خلاص
من الشريان00 للشريان
لا حينفع فيها اطبا ولا كلمة صبر وسلوان
بيعنى بقى و شوف راح اجيبلك كام
صدقنى خسرت كتير
و اكتر من اللى كسبته قناطير
ده حنانى اللى قابلته بنكران
وهدك لللى بنيته فى سنينى؟
خلانى بالخير كفران
و اطلب الرحمه من ربى وليك ولى الغفران
بس اوعى فى يوم تلجأ لى و تقولى الحقنى
ما خلاص
صفيت دمى و مفيش قوه تصد شرور
حارب بقى اد ما تقدر
و اترحم على قلبى كان لك سند ضد الديابه و الوحوش
وانت جيت فى لحظه سلمته ليهم ومقدرتش تحوش
لآ وايه؟
قلت امسك معاهم يحسن يفلفص و ما يعرفوا يدبحوه
